महेन्द्रनगर, ७ चैत । भारतको जम्भुकाश्मिरबाट नोकरी गरि घर फर्किएरका एक नेपाली आफ्नै नेपालीबाट लुटिएका छन । लुधियानाबाट संगै बस चढेर आइरहेका कञ्चनपुरको बेल्डाडी गाविसका सुरेन्द्र खड्का लुटिएका हुन ।
उनको डेढ लाख भारतीय रुपैया सहित अन्य सामानहरु समेत लुटिएको छ ।
आफ्नो पनि घर दाङ भएको बताउँदै लुधियानाबाट बसमा चढेका निज व्यक्तिले आफूलाई खाने कुरामा औषधि हालेर दिएर लुटेको खड्काले बताए ।
आफ्नै नेपाली भनेर संगै आएको भन्दै बाटोमा जुस खाइसकेपछि आफू बेहोश भएको उनले बताए ।
उनको बनवासा पुगेपछि होश आएको हो । प्रहरीले खड्कालाई उद्वार गरेर अस्पताल ल्याएको थियो ।
पश्चिमी नाका गड्डाचौकी भएर दिनै पिच्चे नेपालीहरु लुटिने गरेका छन ।
