धनगढी, १ चैत्र । तराइलाई बहुप्रदेश बनाउनुपर्ने माग गर्दै थारु कल्याणकारिणी सभा लगायत बिभिन्न थारु संघसंगठनले आव्हान गरेको तराइ बन्दका कारण आज कैलाली कन्चनपुर लगायत तराईको जनजीवन प्रभावित भएको छ । एक मधेस एक प्रदेशप्रति असहमती जनाउँदै उनीहरुले आज लगायत तराइका २२ जिल्ला बन्दको आहृवान गरेका छन् ।
बन्दका कारण आज बिहानैदेखी कैलाली जिल्लामा यातायात, वजार, उद्योग कलकारखाना सञ्चालन हुनसकेका छैनन् ।धनगढी बजारमा फाटफुट रिक्सा, साइकल, प्रेसका गाडी र एम्बुलेन्स मात्रै चलिरहेका छन् । राजमार्ग पनि सुनसान छ । यद्यपी परिक्षा संचालन भइरहेका कारण शिक्षण संस्था भने चल्न दिएको थारु कल्याणकारिणी सभाका लाहुराम चौधरीले बताउनुभयो ।
