धनगढी, २६ माघ । हिजो रातीदेखी सुदूरपश्चिमका उच्च पहाडी भेगहरुमा व्यापक हिमपात भएको छ । हिमपातका कारण त्यस क्षेत्रको जनजीवन प्रभावित भएको छ । पहाडी जिल्ला बझाङ्ग, डडेल्धुरा, बैतडी, दार्चुला, बाजुराको उच्च भेगमा भएको हिमपातका कारण त्यस क्षेत्रका सरकारी तथा गैरसरकारी कार्यालय, बजार, यातायात सेवा पूर्ण रुपमा बन्द भएका छन भने टेलिफोन र विद्युत सेवा समेत अवरुद्ध भएको छ ।
बझाङको खोड्पे सडकखण्डमा यातायात पूर्ण रुपमा बन्द भएपछि श्रीभावर, बिठ्त्ड र देउलेक लगायतका ठाउमा दर्जनौं सवारी साधन तथा यात्रुहरु अलपत्र परेका छन् ।
बझाङको सदरमुकाम चैनपुरमा १२ बर्ष पछि हिमपात भएको बताइएको छ । सदरमुकाममा दुइ फिट सम्म हिउ जमेको छ ।
पाकिस्तान र अफगानिस्तानबाट आएको पश्चिम वायुका कारण नेपालको सुदूरपश्चिमी पहाडी जिल्लामा हिमपात भएको हो ।
