महेन्द्रनगर, ७ असार  । नेकपा एमालेको भातृ संगठन युवा संघ नेपाल कन्चनपुरले महाकाली अञ्चल अस्पतालमा रिक्त रहेको डाक्टरको दरबन्दी पूर्ति गर्न नेपाल सरकारसंग माग गरेको छ । युवा संघले विज्ञप्ती निकालेर महाकाली अञ्चल अस्पतालमा विगत लामो समयदेखी आवश्यक दरबन्दीको डाक्टर नभएका कारण यस क्षेत्रका जनताले समस्या भोग्नुपरिरहेको भन्दै तत्काल आवश्यक डाक्टर, स्वास्थ्यकर्मी, औषधि सहित उपकरणको व्यवस्था गर्न माग गरेको हो ।

महेन्द्रनगर, ७ असार  । शसस्त्र द्वन्दका समयमा पीडित भएकाहरुको पहिचान गर्नमा समस्या भएको महेन्द्रनगरमा आयोजित एक अन्तरक्रिया कार्यक्रमका सहभागीहरुले बताएका छन ।  शान्ति प्रत्रिया र द्वन्द व्यवस्थापनमा स्थानीय शान्ति समितिहरुको भूमिका विषयक शान्ति मन्त्रालयको कार्यक्रममा सहभागी भएका विभिन्न जिल्लाका शान्ति समितिका संयोजक एवम् सहभागीहरुले यस्तो बताएका हुन ।

टीकापुर, ६ असार । असारको पहिलो साता लागिसक्दा पनि पानी नपरेपछि कैलालीमा खडेरीका कारण किसानले लगाएको उखुबाली सुक्न थालेको छ । कैलालीको धनसिंहपुर गाविस र आसपासका क्षेत्रमा दर्जनौ किसानको उखुबाली सुक्दै जान थालेको किसानको गुनासो छ । उखुखेतीका लागि राम्रो उत्पादनशिल मानिने सो क्षेत्रका धेरै किसानहरु उखुखेती गर्ने गर्दछन् ।

धनगढी,  ६ असार । कैलालीका विभिन्न गाविसहरुमा कार्यरत गाविस सचिवहरुलाई राजीनामा दिन एक सङ्गठनले उर्दी जारी गरेको छ । संयुक्त जातीय मुक्ति मोर्चा नामक एक सङ्गठनले गाविस सचिवहरुलाई राजीनामा दिन उर्दी जारी गरेको हो ।