काठमाडौ, ७ चैत ।  नेपाली राजनीतिका शिखर पुरुष काँग्रेस सभापति गिरिजाप्रसाद कोइरालाको आज देहवासन भएको छ । काँग्रेस नेता शेरबहादुर देउवाका अनुसार उनको निधन १२ बजेर १० मिनेट जाँदा भएको हो ।
केन्दि्रय समितिको आकस्मिक बैठक बस्यो र डाक्टरहरुको सिफारिस र निर्णय अनुसार उहाँको निधन १२ बजेर १० मिनेटमा भएको निर्णय भयो देउवाले भने । 

काठमाडौ, ७ चैत  ।   काँग्रेस सभापति गिरिजाप्रसाद कोइरालाको आज दिउँसो देहवासन भएको छ । अनौपचारिक रुपमा दिइएको जानकारी अनुसार १२ बजेर ११ मिनेट जाँदा उनको देहवासन भएको हो । यस सम्बन्धमा अझै औपचारिक जानकारी आएको छैन ।

बझाङ, ७ चैत । नेपाल टेलिकमले बजारमा ल्याएको नमस्ते मोवाइलका १ सय र २ सय दरका रिर्चाज कार्ड बिक्रीमा प्रभावकारी अनुगमन नहुदा बझाङमा स्थानीय बिक्रेताहरुले मनपरि मूल्य लिने गरेका छन् ।  सदरमुकाम चैनपुरमा रहेका बिभिन्न रिचार्ज कार्ड बिक्रेताहरुले  १ सय दरको रिचार्ज किन्दा १ सय ५ देखि १ सय १० रुपैयाँसम्म लिने गरेको मोवाइल प्रयोगकर्ताहरुको गुनासो गरे । विक्रेताहरुले टेलिकमले निर्धारण गरेको मूल्यमा आफुलाई फाइदा नभएको भन्दै ५ रुपैया देखि १० रुपैयाँसम्म अतिरिक्त रकम लिने गरेका हुन् ।

टीकापुर, ७ चैत । कैलालीको दुर्गौली-८ सुवर्णपुरमा पशु प्राविधिकले कुखुरा मारेका छन् । दुगौली र टीकापुरमा बर्डफ्लुको आशंका गरी ल्याब परीक्षण गर्दा बर्डफ्लु भएको प्रमाणित भएपछि शुक्रबार कुखुरा मारिएका हुन् ।  हिजो प्राविधिकको टोलीले सुवर्णपुरमा २० वटा जति स्थानीय जातका कुखुरा मारेका बताइएको छ । दुर्गौली र टीकापुरमा गरी रोगका कारण अहिलेसम्म १ सय ६० कुखरा मरेको पशु प्राविधिकले जनाएका छन् ।